ကျွန်တော်သက်တော်စောင့်(ဇာတ်သိမ်း)

                 

                         စိုးရိမ်မှုတွေနဲ့အတူ....... တကြော်ကြော် အော်ခေါ်နေတဲ့ မင်းသမီးရဲ့ လက်ထဲကနေ ဌာနမှူးက ကျွန်တော့်ကို
ပွေ့ထူလိုက်တာကိုလည်း သိလိုက်တယ်.... ၀မ်းဗိုက်တစ်ခုလုံး စူးနင့် နာကျင်နေတယ်၊ မျက်လုံးတွေလည်းေ၀၀ါးနေတယ်...။
                          ဌာနမှူးနဲ့ အီတာကို အားယူပြုံးပြလိုက်ပေမဲ့ ရင်ထဲမှာ ဟာပြီး အားပျော့နေပြီဆိုတာကိုတော့ သိလိုက်တယ်။

                         ``  လူနာတင်ကား ခေါ်ထားတယ်  ဆရာ... ကျောရိုးကို ဖောက်သွားတယ် ထင်တယ်... ကျောရိုးမကြီးကို ထိ
ခိုက်မိရင် သိပ်တော့ မကောင်းဘူး.... ဒီအတိုင်းပဲ ပွေ့ထားပေးပါ.....´´ ဘေးကနေ တစ်ယောက်က ပြောနေတာကိုလည်း ပီပီပြင်
ပြင်ကြားနေရတယ်....။  ကျွန်တော် လက်တစ်ဘက် မြှောက်လိုက်တယ်....။  အီတာရဲ့ လက်တစ်ဘက်က ကျွန်တော့် လက်ဝါးကို
ဆုပ်ကိုင်ထားလိုက်တယ်.... ပြီးတော့...
                          `` ဘာလို့ ထွက်လာတာလဲဆမ်.... ဘာလို့ ဒီလိုလုပ်ရတာလဲ... ဘာလို့လုပ်တာလဲဟင်...´´
                          ကျွန်တော် အားယူပြီး  စကား ပြန်ပြောပေမဲ့ ချက်ချင်း ထွက်မလာဘူး....။   အတင်း ကျိတ်မှိတ်ပြီးတော့....
                           `` အီတာ.... အီတာ ကို ပစ်လိုက်မှာ စိုးလို့ပါ......´´ လို့   ခပ်တိုးတိုးလေး အထစ်ထစ် အငေါ့ငေါ့နဲ့ ပြန်ပြော
လိုက်တော့...အီတာက ငိုရင်းနဲ့ သွေးတွေ ရွှဲနေတဲ့ ကျွန်တော့်ကို သိုင်းဖက်လိုက်တယ်....။  ပါးစပ်ကလည်း  မချိတင်ကဲ တိုးတိုး
လေးရေရွတ်လိုက်တယ်..... `` ဆမ်ရယ်....´´ တဲ့။   ဌာနမှူးကတော့ အံကြိတ်ရင်း တစ်ဘက်ကို လှည့်သွားတယ်....။ ကျွန်တော့်
အခြေအနေနဲ့ ပတ်သက်ပြီး တစ်ခုခုကို နားလည်သွားပြီ ထင်ပါရဲ့.....။

                            `` သားရေ.... မေမေ တစ်ခုမှာ ဦးမယ်....။  ကိုယ်က တာဝန်ထမ်းဆောင်တယ် ဆိုပေမဲ့ သူတစ်ပါး ထိခိုက်
နစ်နာတဲ့ အခါတွေမှာ ၀မ်းမြောက်ဝမ်းသာ မဖြစ်ပါနဲ့....။ လုပ်လို့ရတယ် ဆိုတိုင်းလည်း စေတနာအလျောက် မလုပ်ဖြစ်ပါစေနဲ့...။
ပစ်ကြခတ်ကြတဲ့ အခါ ကိုယ့်မှာလည်း အသက်ရှိသလို သူ့မှာလည်းအသက်ရှိတယ်ဆိုတာမမေ့ပါနဲ့။  အားလုံး ကိုယ့်လိုပဲ ရင်ဆိုင်
နေကြရတာ ဖြစ်လို့ သတိလည်း မပေါ့ပါနဲ့.....။ မလိုအပ်ပါပဲ `` ပါဏာတိပါတ´´ ကံကိုလည်း မကျူးလွန်မိပါစေနဲ့..... လို့  မေမေ
မှာချင်တယ် သားရေ..။ ငါ့သားလေး သွားလေရာလာလေရာမှာ ခလုပ်မထိ ဆူးမငြိပဲ  စိတ်ကောင်း စေတနာကောင်းဖြင့် တာဝန်
တွေကို ကျေပွန်စွာ ထမ်းဆောင်နိုင်တဲ့သူ ဖြစ်ပါစေ.....´´  မေမေ့ကို နှုတ်ဆက် ကန်တော့စဉ်က ပုံရိပ်တွေရော အသံတွေကိုရော
ထင်ထင်ရှားရှားပြန်မြင်လာတယ်....။

                          နောက်ပြီး မစ္စစ္စပီ မြစ်ကြီးထဲမှာ မင်းသမီးနဲ့ အတူလှေစီးနေတာကို ပြန်မြင်လာတယ်....။  လှေပေါ်ကနေ ကမ်း
နားကို ကြည့်လိုက်တော့ မြန်မာပြည်မှာ ကျန်နေခဲ့တဲ့ ကောင်မလေးရဲ့ အိမ်ရှေ့ကို ရောက်နေသလိုလိုပါပဲ။  ပန်းလေးတွေကို အမှတ်
တမဲ့ ကြည့်နေတဲ့ ကောင်မလေးရဲ့ ကြည်နူးမျက်ဝန်းလေးတွေကိုလည်း ထင်ထင်ရှားရှားကြီး ပြန်မြင်လာမိတယ်.။  ကောင်မလေးရဲ့
ဒီကြည်နူးမျက်ဝန်းလေးတွေကို မြတ်နိုးလွန်းလို့ အသံမပေးပဲ အကြာကြီး ကြည့်နေရင်းက သူမသိအောင်ဓါတ်ပုံလေး ရိုက်ယူခဲ့တာ
ကိုလည်း ပြန်မြင်ယောင်နေမိတယ်.... ရင်ထဲမှာ ကြည်နူးလာသလိုပါပဲ.....။
                             ကျွန်တော့်ကို   သူနာပြု လှည်းပေါ်ကို တင်လိုက်တာကိုလည်း သိနေတယ်....။  လှည်းပေါ်ကနေ ကားထဲကို
ပို့လိုက်တာလည်း သိနေတယ်.... ဒါပေမဲ့ ခံစားချက်တွေမဲ့နေတယ်....။  အကြမ်းဖက်သမားရဲ့ တစ်တောင့်တည်းသော ကျည်ဆံက
ကျွန်တော့်ရဲ့  ကျောရိုးမကြီးကို ဖောက်ထွက်သွားတယ်ဆိုတော့... ကျွန်တော် အာရုံကြောတွေများ ပျက်စီးသွားပြီးလားပဲ... စဉ်းစား
နေစဉ်မှာပဲ...  `` ဆမ် အားတင်းထားစမ်း... ဆေးရုံရောက်တော့မယ်... ငါပြောတာ ကြားလား.... ကြားလား.... ဆမ် ´´ မျက်နှာနား
ကို ကပ်ပြီးပြောနေတဲ့ ဌာနမှူးရဲ့ အသံကို ပီပီပြင်ပြင် ကြားနေရတယ်...။ ကျွန်တော် မျက်တောင်ခတ်ရင်း ပြုံးပြီးခေါင်းညိတ်ပြလိုက်
တယ်... ။ အမှန်အတိုင်းပြောရရင် ဌာနမှူးကို ကျွန်တော် မမြင်ရတော့ဘူး...။ ကျွန်တော် ခေါင်းညိတ်ပြတာလည်း ညိတ်ဖြစ်ခဲ့ရဲ့လား
မသိတော့ပါဘူး.....။
                           ငယ်ငယ်က  ဖေဖေက စက်ဘီးကိုနင်းပြီး  ကိုကိုက နောက်ကယ်ရီယာခုံမှာ ထိုင်၊ ကျွန်တော်က  ရှေ့ဘားတန်း
မှာ ထိုင်ပြီး ကျောင်းသွားတော့ လမ်းမှာပျော်ရွှင်စွာ သီချင်းတွေ ဆိုခဲ့ကြတာတွေရော... ကိုကို နိုင်ငံခြားထွက်သွားတော့ မေမေငိုရင်း
ကျန်ရစ်လို့ ကျွန်တော် နှစ်သိမ့်ခဲ့တာတွေ....။ တစ်နေ့မှာ ကျွန်တော် သိပ်ချစ်ရမဲ့ ကောင်မလေးကို ပါးကွက်လေးနဲ့ စတွေ့ခဲ့ပုံတွေ...။
ထမင်းဝိုင်းမှာ မေမေက အရိုးနွှင်ပေးခဲ့တာတွေ... ကျွန်တော်နဲ့ ဌာနမှူး တိုက်ခိုက်ရေးသင်တန်း အတူတက်ခဲ့တာတွေ.... မြင်ခဲ့တွေ့
ခဲ့ဘူးတဲ့နေရာတွေ... နောက်ပြီး ရွှေတိဂုံစေတီတော်ကြီးကို ဖူးမျှော်နေခဲ့စဉ်က ပုံရိပ်တွေက ပီပီပြင်ပြင် ထင်ထင်ရှားရှားကြီး ပေါ်လာ
နေတယ်...။  သတိမလစ်သေးပေမဲ့..ကျွန်တော် ထူးဆန်းတဲ့ မြင်ကွင်းတွေကို မြင်တွေ့နေခဲ့ပြီ.....။  ခန္ဓာကိုယ်တစ်ခုလုံးလည်း ခံစား
ချက်မဲ့နေပြီ......။
                             ကျွန်တော် ဒီ သေနတ်ဒဏ်ရာနဲ့သေဆုံးတော့မယ်ထင်နေစဉ်မှာ တစ်စုံတစ်ခုကိုရုတ်တရက်သတိရလာတယ်
ကျွန်တော် အတင်းကုန်းရုန်းထတယ်။ လက်နှစ်ဘက်မှာ လူနာတင်ယာဉ်ပေါ်က စင်ပေါ်မှာခါးပတ်ကြိုး ပတ်ချည်ထားတာ သတိထား
မိလိုက်တယ်...။ ခြေထောက်တွေကတော့ လှုပ်လို့ မရတော့ဘူး။ ကျွန်တော် ရုန်းကန်မှုကြောင့် ထင်တယ်....။  မင်းသမီးအသံလေး
ထွက်လာတယ်....
                              `` ဆမ်... မလှုပ်နဲ့.... မလှုပ်နဲ့.... သက်သာရဲ့လားဟင်..... သက်သာရဲ့လား.....´´
                               ကျွန်တော် အတင်းကြုံးအော်မိတယ်။လည်ချောင်းတွေ ပူလိုက်တာ.. အသံထွက်မလာဘူး၊ ဒုတိယအကြိမ်
ထပ်အော်မိတယ်....

 

                               `` ကျွန်တော် မသေချင်သေးဘူး.. ကျွန်တော် မြန်မာပြည်အတွက် ဘာမှ မလုပ်ရသေးဘူးဗျ...၊ ကျွန်တော်
မသေချင်သေးဘူး.... ´´
                                `` ဆမ်... သတိထား.... သတိထားနော်... ဘာမှ မဖြစ်ဘူးနော်..... ဆေးရုံရောက်ပြီ....´´
                                 ကျွန်တော်ဌာနမှူးရှိရာ ဘက်ကို လက်လှမ်းလိုက်တယ်။ ဌာနမှူးက လက်ကို ကိုင်လိုက်တော့ ကျွန်တော်
စကားတစ်ခွန်း ပြောလိုက်တယ်...။
                                 `` ကျွန်တော် သေရင်.. မြန်မာပြည် ပြန်ပို့ပေး...´´ ဒီအချိန်မှာပဲ လှည်းကို အောက်ကို ချလိုက်ပြီ။ ဒီအချိန်
ကျွန်တော့် နဖူးကို တစ်ယောက်ယောက်က နမ်းလိုက်တယ်။  ကျွန်တော် မျက်လုံးကို အတင်း ဖွင့်ကြည့်တယ်..။ ကျွန်တော့် နဖူးကို
နမ်းလိုက်တာ ဘယ်သူလဲလို့လေ...။ ဘာမှ မမြင်ရတော့ဘူး...။ အားလုံး အဖြူရောင်ကြီး ဖြစ်နေတယ်... ဒါပေမဲ့ အနံ့လေးတစ်ခု ရ
လိုက်တယ်..။  အနံ့လေးကို သေသေချာချာ  စဉ်းစားကြည့်တော့ ပြင်သစ်ရေမွှေးနံ့လေးပဲ။  ဒါဆို  ကျွန်တော့် နဖူးကို နမ်းလိုက်တာ
အီတာပဲပေါ့ရှင်မတောင် သနပ်ခါးနံ့လေး ဖြစ်ချင်တာလေ.... ဘာမှ မမြင်ရပေမဲ့ ၀မ်းနည်း စိတ်လေး ဖြစ်မိသွားတယ်....။

 

                                  `` You comeback to me Sam....´´ အီတာရဲ့ ငိုရှိုက်သံလေး ရောနေတဲ့ စကားလေးကို ကြားလိုက်
ရတယ်။ ကျွန်တော်ရဲ့ အသိစိတ်တွေ ခွဲခွာ မသွားခင် နောက်ဆုံးအနေနဲ့ပေါ့....။ ကျွန်တော် ထင်ပါတယ်.... အမိ တိုင်းပြည်အတွက်၊
မိခင် ဧရာဝတီကြီးအတွက် ဘာမှ လုပ်မပေးနိုင်သေးပေမဲ့....  ကျွန်တော်သေဆုံးသွားလုိ့..... ကျွန်တော့် အလောင်းကို မြန်မာပြည်
ပြန်ပို့တဲ့ အခါမှာ......ကျွန်တော့်ရဲ့  အမိမြေက ၀မ်းနည်းစွာ ကြိုဆိုပြီး  မြတ်နိုးစွာ အမြဲတမ်း ထွေးပွေ့ထားမှာပါ....။
                                                                                                                                      ............ကွန်ဆူးမား
ဒါလေးကတော့....
ကျွန်တော်သက်တော်စောင့် ၀တ္ထုလေးကို မောင်ကောင်း(ကောင်းသီဟကျော်)က E Book လေးချုပ်ပေးထားတာပါ။
အခန်း(၁) ကနေ ယခုနောက်ဆုံး ဇာတ်သိမ်း အထိ တစ်စုတစ်စည်းတည်း ဖတ်နိုင်ပါတယ်။

ဆက်လက်ပြီး  ဒုတိယပိုင်းအဖြစ်.....  ``သက်တော်စောင့်နှင့်ကျွန်တော်´´ ကို ဆက်လက်ရေးဖွဲ့သွားမည်ဖြစ်ပါကြောင်းခင်ဗျာ....