ထိုင်နေရင်းနဲ့ နေသာတဲ့နေလေးမို့ထင်ပါတယ်.. ပင်လယ်ကြီးကလည်း အပြာရောင်... နောက်ပြီး တိမ်လွှာလေး
တွေကလည်း အပြာနုနုလေး သန်းနေတယ်....။
ဒီတစ်ခါ အတူတူထိုင်နေဖြစ်တာ နောက်ဆုံးများ ဖြစ်လေမလား.. ဒါမှမဟုတ်ရင်လည်း ဘယ်လောက်များကြာ
မှ ပြန်ဆုံစည်းနိုင်မလဲလို့ ၀မ်းနည်းစိတ်လေးနဲ့ စဉ်းစားနေမိတယ်...။
`` ကို... ဒီကနေ သွားပြီးရင် ဘယ်မှာ ရှိနေမလဲဟင်...´´ ရုတ်တရက် မေးလာတော့ ချက်ချင်းဘာဖြေရမှန်း
မသိခဲ့ဘူး... ပြောင်းရွှေ့ တာဝန်ထမ်းဆောင်ဖို့ ရုံးချုပ်ကို သတင်းပို့ရမယ်... ဟိုရောက်မှ ပိုစတင်ချပေးမယ်တဲ့လေ....။
`` ဟိုရောက်မှ သိမယ်ထင်တယ်.. မီးမီး၊ ပြန်ဆက်သွယ်လိုက်ပါ့မယ်... နော်..´´ ပုခုံးလေးကိုအသာအယာ
ဖက်ထားရင်း နွမ်းလျစွာပဲ ပြန်ပြောဖြစ်ခဲ့တယ်...။
`` မီးမီး ကို့ကို လွမ်းရင် ဘယ်လို လုပ်ရမလဲဟင်...´´
`` အင်း.. မီးမီး လွမ်းတဲ့အခါ ဒီနေရာလေးကို လာခဲ့... ပြီးရင် ဟိုး... မိုးပေါ်က တိမ်ပြာလေးတွေကိုကြည့်
လိုက်နော်... အဲဒီ တိမ်ပြာလေးတွေ ရှိတဲ့နေရာမှာ... ကို ရှိနေမယ်....´´
လက်မောင်းကို တင်းတင်းကျပ်ကျပ် ဆုပ်ကိုင်ရင်း `` အင်း...´´ တဲ့၊ သူ့ရဲ့ အင်းဆိုတဲ့ အသံအနောက်မှာ
ပူလောင်တဲ့ လေပူတွေ အတူလိုက်ပါလာတယ်၊ သူ့ရင်ထဲမှာ ဘယ်လောက် ပူလောင်နေတယ်ဆိုတာ သိလိုက်ရတယ်၊ ၀မ်းနည်းပြီး
ငိုမှာစိုးလို့ စိတ်မကောင်းစရာစကားတွေ မပြောဖြစ်ခဲ့ပါဘူး၊ ချစ်သူကို မျက်ရည်တွေနဲ့ ထားခဲ့ရမှာ... ကျွန်တော်ဝန်လေးလှပါတယ်။
မထင်မှတ်တဲ့ လှည့်ကွက်တစ်ခုမှာ မထင်မှတ်တာတွေကို ကျွန်တော်တို့ ခါးခါးသီးသီး ရင်ဆိုင်ခဲ့ရတယ်၊
ကျွန်တော် ရုံးချုပ်ကို သတင်းပို့မလို့ ထွက်ခွါသွားခဲ့တဲ့ ညမှာပဲ.... ကြီးမားကျယ်ပြန့်တဲ့ သဘာဝ ဘေးအန္တရာယ်ဆိုးကြီးက မီးမီးတို့
မိသားစု အပါအ၀င် အသက်ပေါင်းများစွာ.... ဘ၀ပေါင်းများစွာကို အဆုံးမရှိတဲ့ ပင်လယ်ပြင်ကြီးထဲကို ခေါ်ဆောင်သွားခဲ့တယ်..။
ရက်စက်လွန်းလှတယ်ဆိုတဲ့ စကားတွေထက် ပိုတဲ့ စကားလုံးတွေကို ကျွန်တော် ရှာဖွေနေခဲ့တာ... အခုဆိုရင် (၅)နှစ်တောင် ပြည့်
တော့မယ်လေ.....။ ``မီးမီးရေ မင်းဘယ်မှာလဲ...´´ လို့ ရင်ထဲမှာ အကြိမ်ကြိမ် အော်နေမိပေမဲ့ မီးမီးကတော့ မကြားနိုင်ခဲ့ပါဘူး။
မီးမီးတို့ကို တွေ့တယ်ဆိုတဲ့ သတင်းကြားတိုင်း... ကျွန်တော် လိုက်ရှာခဲ့ရတာလည်း မောပန်းခြင်းတွေကို
တောင်နားမလည်နိုင်အောင်ပါပဲ...၊ မီးမီးတို့နေတဲ့ ရွာလေးမှာ စိတ်မနှံ့တဲ့ ကောင်မလေးတစ်ယောက်ကို ကမ်းစပ်မှာတွေ့တယ်လို့
ပြောကြရင်လည်း ကျွန်တော်ရောက်အောင်သွားခဲ့တယ်...။ တစ်ယောက်ပြီးတစ်ယောက် အငမ်းမရမေးနေမိတယ်..။ မီးမီးဘယ်မှာ
ရောက်နေလဲကျွန်တော်မသိပေမဲ့ ကျွန်တော်ကတော့ အရူးတစ်ပိုင်းဖြစ်နေခဲ့တယ်လေ....။ ကျွန်တော် အလုပ်လည်း ထွက်ခဲ့တယ်။
မီးမီးကို ပြည့်ပြည့်၀၀ လိုက်ရှာချင်လို့ပါ....။ ကျွန်တော့်စိတ်ထဲမှာ တစ်နေရာမှာ မီးမီး ရှိနေသေးတယ်လို့... ခုထိ မှတ်ယူနေမိသေး
တယ်...။
မကြာခင်ကလည်း မီးမီးတို့နေတဲ့ရွာက ပင်လယ်ကမ်းစပ်မှာ.... ရွာက မဟုတ်တဲ့ အသက်(၂၃)နှစ်လောက်
ကောင်မလေးတစ်ယောက် ပင်လယ်ပြင်ကြီးနဲ့ တိမ်တွေကို နေ့တိုင်း လာလာကြည့်နေတယ်ဆိုတဲ့ သတင်းရလို့ လို့ ကျွန်တော်အပြေး
လေးသွားမိတယ်....။
မီးမီးနဲ့ အရွယ်ချင်း မတိမ်းမယိမ်းရှိပေမဲ့ မီးမီးတော့ မဟုတ်ခဲ့ပါဘူး..၊ အဲဒီကောင်မလေးကိုကျွန်တော်ကြည့်
နေရင်းက သူလည်း တစ်ခုခုကြောင့် ပူလောင်နေသလားလို့ စဉ်းစားဖြစ်ခဲ့တယ်... ကောင်မလေးလှည့်ကြည့်တာနဲ့ ဆုံတော့ဘာရယ်
မဟုတ် ပြုံးပြလိုက်မိတယ်...။
သူလည်းကျွန်တော့်ကို ပြုံးပြရင်း `` အကိုက ကျွန်မကို ထူးဆန်းလို့ ကြည့်နေတာလား...´´ တဲ့
`` အားနာပါတယ်ညီမရယ် လွန်ခဲ့တဲ့ (၅)နှစ်လောက် မုန်တိုင်းကြီးနဲ့အတူဒီရွာမှာနေတဲ့အကို့ကောင်မလေး
ပျောက်ဆုံးသွားခဲ့တယ်။ အဲဒါ ဒီရက်ပိုင်းမှာညီမက ပင်လယ်ကြီးကို လာလာကြည့်နေတယ်ဆိုတော့ အကို့ကောင်မလေးများဖြစ်နေ
မလားလို့ လာကြည့်မိတာပါ...´´
`` အော်... အကိုနဲ့ ညီမက ဘ၀တူလို့ ပြောလို့ရပါတယ်...။ ညီမက ရန်ကုန်မှာငယ်ငယ်လေးကတည်းက
ကျောင်းသွား တက်နေတာ မုန်တိုင်းကြီးထဲမှာ ဒီမှာကျန်ရစ်တဲ့ ညီမမေမေ ပါသွားတယ်လေ.. ဒါပေမဲ့ ညီမ အခုထိ မယုံနိုင်သေးဘူး
တစ်နေ့မှာများ မေမေပြန်လာမလားလို့... အချိန်ရတိုင်း လာလာကြည့်မိတယ်...´´ ကျွန်တော်တော်တော်စိတ်မကောင်း ဖြစ်မိသွား
ခဲ့တယ်...။ စိတ်ထဲမှာလည်း လက်ကနဲ အသိတစ်ခုကို ရလိုက်မိတယ်.....၊ သူ ကျွန်တော့်ထက် အဖြစ်ဆိုးတာပဲ..၊ ဒါပေမဲ့ သူက ပို
ပြီး တန်ဘိုးရှိနေတယ်လေ....။
သူ ကျွန်တော့်ကို စာနာစွာ ဘ၀တူတွေလို့ ပြောလိုက်တာကို ကျွန်တော်ရှက်မိလာခဲ့တယ်... ကျွန်တော်က
ချစ်ရတဲ့ မီးမီးကို တမ်းတနေတဲ့ ကျွန်တော့်ရဲ့ နှလုံးသားလေးရဲ့ စေညွှန်းရာနောက်ကို လိုက်ခဲ့တယ်၊ သူလည်း သူချစ်ရတဲ့ မိခင်ကို
တမ်းတရင်း သူ့နှလုံးသားလေးရဲ့ စေညွှန်းရာကိုလိုက်ခဲ့တယ်.....၊ ဒါပေမဲ့ သူ့ရဲ့လွမ်းဆွတ်ခြင်းက အဆုံးအစမရှိတဲ့ မိခင်မေတ္တာကို
ကိုယ်စားပြုထားတာပါလား....
`` သူတို့ ပြန်မလာနိုင်တော့ပါဘူး ညီမရယ်... အကိုပြန်တော့မယ်နော်....´´
`` ဟုတ်ကဲ့အကို မေမေလည်း ပြန်မလာနိုင်တော့ပါဘူး... ဒါပေမဲ့ မေမေ့ကို လွမ်းရင်း ပင်လယ်ကြီးနဲ့..
တိမ်တွေကို ကြည့်ရတာ... ပြာလွင်နေတာပဲနော်.... အရမ်းအေးချမ်းတယ်... ညီမ ခဏလေး ထိုင်လိုက်ဦးမယ်နော်... အကိုအေး
ချမ်းပါစေ....´´ တဲ့။
ကျွန်တော် ပြုံးပြရင်း သူ့အနားက ဖြည်းဖြည်းလေး ထွက်လာခဲ့မိတယ်... စိတ်ထဲမှာတော့... အေးချမ်း
မှုတွေကို ခံစားလိုက်ရတယ်.. ဒီညီမလေးပြောသလိုပါပဲ... တိမ်ပြာလေးတွေက သတိရတိုင်း ရှိနေတတ်တယ်နော်...။
ကျွန်တော် မီးမီးကို သတိရတိုင်း တိမ်လေးတွေ ပြာလွင်နေမှာပါ....၊ အခုတော့ ညီမလေးပေးတဲ့ အသိ
တွေနဲ့အတူ မီးမီးကို တမ်းတရင်း မေမေ့ရင်ခွင်ကြီးထဲကို ပြန်တော့မယ်။ ကျွန်တော် ရူးမိုက်စွာ မီးမီးကို ရှာဖွေနေတဲ့ အချိန်တွေမှာ
ကျွန်တော့်အတွက် မေမေ ဘယ်လောက်များ စိတ်မကောင်းဖြစ်နေခဲ့ရမလဲလို့ တွေးကြည့်လိုက်မိတော့.... ခွင့်လွှတ်ပါမေမေရယ်..
အခု အဆုံးအစမရှိတဲ့ တိမ်ပြာလေးတွေ ရှိတဲ့ အရပ်ကို သားပြန်လာနေပြီမေမေရေ......
(ကွန်ဆူးမား)(၂၆-၁-၂၀၁၃)
အော်...... ဘာလိုလိုနဲ့ ရက်စက်တဲ့ နာဂစ်မုန်တိုင်းဆိုးကြီး မွှေနှောက် ရက်စက်သွားတာ (၅)နှစ်တောင် ပြည့်တော့မှာပါလား.....
No comments:
Post a Comment