`` သားကြီး ကျောင်းဘယ်အချိန်လဲ... ဖေဖေပို့ပေးမယ်လေ....´´
`` ရတယ်ဖေဖေ (၁၀)နာရီကနေ (၁၂)နာရီအထိ ဆရာမက မနက်ပိုင်း ဘုရားသွားမယ်ပြောတယ်...။ ဆရာမ
မွေးနေ့တဲ့.. သားတို့ကို နေ့လည်စာလည်း ကျွေးမယ်တဲ့.... ဖေဖေမပို့နဲ့တော့ ရတယ်... သားလမ်းလျှောက်သွားလိုက်မယ်...ဖေဖေ
ပင်ပန်းပါတယ်...´´
သားကြီးရဲ့ စကားလေးကြားရတာ.... ကျွန်တော် အားမရှိပေမဲ့ အမောပြေပါတယ်...။ သားကြီး မျက်နှာကိုကြည့်
ရတာ တစ်ခုခုကို ဖုံးကွယ်ထားပုံပါပဲ....။
`` ရော့ သား မုန့်ဖိုးယူသွားလိုက်ဦး...´´ သားကြီးကို နေ့တိုင်း မုန့်ဖိုးမပေးနိုင်ဘူး?သုံးရက်ခြားတစ်ခါလောက်
ပေးနေရတယ်.. မနေ့ကတော့ မီးသွေးအိတ်(၄၀)လောက် တိုက်ပေးလိုက်ရလို့ တစ်အိတ်(၁၀၀)နဲ့ (၄၀၀၀)လောက်ရလိုက်တယ်..
နေ့တစ်ဝက်လောက်တော့ နင်းလိုက်ရတာပေါ့... မိန်းမကိုမနေ့က (၅၀၀၀)လောက်ပေးနိုင်တယ်... ကျွန်တော်ချန်ထားတဲ့ (၁၀၀၀)
ထဲက သားကြီးကို (၅၀၀)ပေးလိုက်တယ်။ ကျွန်တော်ပေးတဲ့ (၅၀၀)တန်လေးကိုယူပြီး သားကြီးက ကြည့်နေတယ်...။ သားကြီးက
အခု (၇)တန်း ဖအေကို နားလည်တတ်လာပြီ...။ ညဘက် စာကြည့်ပြီးချိန် ကျွန်တော်မအိပ်သေးရင် အနားမှာ အေးအေးဆေးဆေး
ဝင်ထိုင်ပြီး နှိပ်ပေးတတ်တယ်....
`` နေကောင်းရဲ့လားဖေဖေ....၊ ဖေဖေအရမ်းပင်ပန်းမှာပဲနော်..´´ စတဲ့ ကိုယ်ချင်းစာတဲ့စကားလေးပြောတတ်
တယ်... ဒီလိုပြောတဲ့ အခါတိုင်း သားကြီး ခေါင်းလေးကို ပွတ်ပေးရင်း....
`` ဒီလိုပါပဲသားရယ်... မပင်ပန်းပါဘူး... သားစာကြိုးစားနော်...´´ လို့ တိုးတိုးညင်းညင်း ပြန်ပြောဖြစ်တယ်။
သားကြီးက စိတ်ချပါဖေဖေ... သားကြိုးစားနေပါတယ်တဲ့....။ တကယ်လည်း သားကြီးက ကြိုးစားတယ်။ စိတ်
ကျေနပ်ရပါတယ်..။ ဒီနေ့တော့ သားကြီး မျက်နှာမှာ တစ်ခုခုကို မြင်မိသလိုပဲ... ဘာမှမပြောဖြစ်ပေမဲ့ ဆိုက်ကားလေးနင်းလာရင်း
စဉ်းစားနေမိတယ်....။ ဘာကိစ္စများရှိနေသလဲလို့.....
``ဦးဦး.. ဦးဦး...´´ လမ်းထိပ်ရောက်တော့ သားကြီးနဲ့ တစ်တန်းတည်း ရုံးတစ်ရုံးကအရာရှိတစ်ယောက်ရဲ့
သားလေးက လှမ်းခေါ်နေတယ်..။ ကောင်လေးရပ်နေတာကို အတွေးတစ်ပိုင်းနဲ့ သတိမထားမိလိုက်ဘူး။ ခေါ်သံကြားမှကျွန်တော်
ချက်ချင်း ဘရိတ်လေးဆွဲပြီး ကောင်လေးနားကို ဆိုက်ကား ထိုးရပ်ပေးလိုက်တယ်...။
`` ဘယ်သွားမလဲသား....´´
`` ဈေးသွားမယ် ဦးဦး မေမေလဲ လိုက်မယ်....´´ ကောင်လေးနဲ့ ပြောနေတုန်း အိမ်ထဲက အရာရှိကတော်
ထွက်လာတယ်...။
`` ဈေးကိုပဲ နင်းလိုက် ကို(....)၊ သား ဆရာမအတွက် မွေးနေ့ လက်ဆောင်ပစ္စည်းလေး သွားဝယ်မလို့´´
`` ဟုတ်ကဲ့ အစ်မကြီး.... ´´
အခုမှ သားကြီး မျက်နှာက တစ်ခုခုဆိုတာကို ဘာသာပြန်မိတော့တယ်.... ကျွန်တော်လည်း တော်တော်ကို
ဝေးတဲ့လူပါပဲ... ဆရာမမွေးနေ့ဆိုမှတော့ ကျောင်းသားတွေ မွေးနေ့ လက်ဆောင်လေးတွေ ပေးကြမှာပေါ့...။ အရာရှိ မိသားစုက
ပါတိတ်တို့ ဘာတို့လိုတန်ဘိုးမြင့်မြင့်လေးတွေ ပေးကြမယ်...၊ သာမန်မိသားစုတွေကလည်း တတ်နိုင်တဲ့လက်ဆောင်လေးတွေကို
ပေးကြမယ်.... ကျွန်တော့်သားကြီးလည်း တစ်ခုခုတော့ ပေးချင်ရှာမှာပေါ့.....။
အတွေးလေးနဲ့ နင်းလာရင်း စတိုးဆိုင်တစ်ဆိုင်ရှေ့မှာ ရပ်ခိုင်းပြီး အရာရှိကတော်နဲ့ သူ့သားလေးကပစ္စည်း
ဆင်းဝယ်ကြတယ်....။
`` ကို(....) ခဏစောင့်ပေးနော်.. ခဏလေးပါပဲ... သူ့အဖေလည်း သွားစရာရှိသေးတယ်.. သိပ်ကြာလို့မ
ဖြစ်ဘူး.....´´
`` ဟုတ်ကဲ့အစ်မကြီး ဖြေးဖြေးလုပ်ပါ´´ အရာရှိကတော်ကတော့ သူ့စိတ်ကြိုက်ပစ္စည်းတွေဝယ်နေတယ်
ကျွန်တော်လည်း အပြင်းအထန်စဉ်းစားနေမိတယ်။ ဆရာမကို ဘာဝယ်ပေးရင် ကောင်းမလဲလို့... ကျွန်တော်သားကြီးကို စိတ်ကျေ
နပ်စေချင်တယ်လေ...။ သားကြီးက ဘာမှ မပြောပေမဲ့ သူငယ်ချင်းတွေကြားထဲမှာ... ညှိုးငယ်နေရှာပေမပေါ့...။ ဆင်းရဲပါများလာ
ရင် သားကြီး စိတ်ဒဏ်ရာ ရသွားနိုင်တာပဲ၊ ဒီထက်ဆိုးတာက လူတွေအပေါ်မှာအတွေးအခေါ်နဲ့ အမြင်စောင်းသွားမှာကိုကျွန်တော်
အကြောက်ဆုံးပါပဲ....။
ပစ္စည်းတွေ ၀ယ်ပြီးတော့ အရာရှိကတော်နဲ့ သူ့သားလေးပြန်ထွက်လာကြတယ်.. ဆရာမအတွက် လက်
ဆောင်အိတ်ကလေးကို ကြည့်ရင်း ကောင်လေးက ပြုံးပျော်နေတယ်.. ကောင်လေးနေရာမှာ သားကြီးကိုထည့်ပြီး အတွေးနဲ့ကြည့်
မိတယ်...။ ဒီလိုလေး တွေးမိတော့လည်း စိတ်ကူးလေးနဲ့တင် ကျွန်တော် တော်တော်ကို ကျေနပ်မိပါရဲ့ဗျာ.....။
ဘာများ ၀ယ်ပေးရမလဲလို့.... ဟိုစဉ်းစား ဒီစဉ်းစားနဲ့ ဒီနေ့အခေါက်တိုလေးတွေ တော်တော်ဆွဲလိုက်ရ
တယ်.... ဂိတ်တောင် မထိုးရသေးဘူး (၃၇၀၀)လောက်ရနေပြီ... အချိန်တော့ နည်းနည်း စောနေသေးတယ်....။
`` မောင်ရင် ဆိုက်ကားအားလားကွယ်...´´
`` ဟုတ်ကဲ့ ဦး.... အားပါတယ်... ဘယ်သွားမလဲ ခင်ဗျာ....´´
`` ဘုရားကို ပို့ပေးကွာ....´´
`` ဟုတ်... ဦး တက်ပါခင်ဗျ....´´
ယောဂီ ၀တ်စုံနဲ့ ဦးလေးတက်လာပြီးတော့.... စကားတပြောပြောနဲ့ နင်းလာခဲ့တယ်... (၁၀)မိနစ်လောက်
ခရီးလေးပါပဲ....။ ဘုရားရောက်တော့ ဦးလေးက....
`` ဦးကို (၁၂)နာရီလောက် လာပြန်ကြိုပေးကွာ.... ရော့ ...´´
`` ဟုတ်ကဲ့ ဦး ပြန်လာပါ့မယ်...´´ ပြောရင်း သူကမ်းပေးတဲ့ ပိုက်ဆံလေးကိုယူကြည့်လိုက်တော့ ၁၀၀၀
တန် နှစ်ရွက်ဖြစ်နေတယ်...။
`` နှစ်ရာပဲ ကျပါတယ်ဦး.... ´´
`` ယူပါကွ.... ဦး တမင်ပေးတာပါ.. ဒီနေ့ ဦးမွေးနေ့လေ... ကုသိုလ်ပြုဖို့လာရင်း ကုသိုလ်ပြုတာပါ...´´
`` ဟုတ်ကဲ့ ဦး ကျန်းမာပါစေခင်ဗျာ ဟီး´´ ကျွန်တော် သိပ်ပျော်သွားတယ်ထင်တယ်၊ ဟန်မဆောင်နိုင်ပဲ
``ဟီး´´ကနဲ ရယ်ဖြစ်သွားတယ်...။ ဦးလေးကတော့ ပြုံးရင်း လက်ပြရင်း ရင်ပြင်တော်ပေါ်ကို တက်သွားတယ်....။
ဘေးဘီကို ကြည့်မိတော့ စတိုးဆိုင်လေး တစ်ဆိုင် တွေ့ရတယ်... ထီးကလေးတွေလည်း တွေ့ရတယ်..
အရောင်စုံ ထီးကလေးတွေ.... ဖြတ်ကနဲ သတိရလို့ ဆိုင်ထဲဝင်ပြီး ဈေးမေးကြည့်လိုက်တယ်....သုံးခေါက်ချိုး ခေါက်ထီးလေး တစ်
လက်ဝယ်ဖြစ်လိုက်တယ်... သားဆရာမအတွက်က ခေါက်ထီးလေးမှ အဆင်ပြေမှာလေ....။
ထီးကလေးကို ခါးကြားထိုး အိမ်ကို ဒုန်းစိုင်းနင်းမလို့ ပြင်နေတုန်း ဘုရားလှေခါးထစ်တွေအတိုင်း ဆင်း
လာတဲ့ သားတို့ ဆရာမကို အဖော်တစ်ယောက်နဲ့ တွေ့ရတယ်... ဆိုက်ကားကိုရပ်လိုက်ပြီး....
`` ဆရာမ.....´´
`` အော်.... ကို(......) ခရီးသည်လာပို့တာလား....´´
`` ဟုတ်ကဲ့ ဆရာမ... တက်ပါခင်ဗျ... ကျွန်တော် လိုက်ပို့ပေးပါရစေ...´´
`` ရပါတယ် ကျွန်မတို့ လမ်းလျှောက်လိုက်ပါ့မယ် နီးနီးလေးပဲ....´´
`` အားမနာပါနဲ့ ဆရာမ မွေးနေ့လက်ဆောင်လို့ သဘောထားပေးပါ...´´
`` ဟုတ်.... ဟုတ် ဒါဆိုရင်တော့ ကျေးဇူးပါ....´´
ဆရာမကို အိမ်ပို့ပေးလိုက်တယ်..။ ဆယ်နာရီမထိုးသေးဘူး...။ ဆရာမအိမ်မှာတော့ ကျောင်းသားတွေ
တစ်ယောက်စ နှစ်ယောက်စ ရောက်နေကြပြီ..သားကြီးကိုတော့ မတွေ့သေးဘူး.၊ ကျွန်တော် အိမ်ကို ခပ်မြန်မြန်လေး ပြန်နင်းလာ
ခဲ့တယ်။ လမ်းထိပ်ရောက်တော့ သတိရလို့ ကုန်စုံဆိုင်ထဲဝင်ပြီး ပါကင်စက္ကူလေးနဲ့ ထီးကလေးကို ထုပ်ခိုင်းလိုက်တယ်...။ မွေးနေ့
လက်ဆောင်ကဒ်ကလေးလဲ ပါရဲ့... ပြီးတော့ ဖဲကြိုးလေးနဲ့ လုပ်ထားတဲ့ပန်းကလေးကလည်းတစ်ပွင့်ပါသေးတယ်...သားကြီးကျေ
နပ်နေမဲ့ အပြုံးကို စိတ်ကူးလေးနဲ့ ကြည့်ရတာ ပျော်စရာကောင်းလိုက်တာ...။
ကျွန်တော် အိမ်ရှေ့မှာ ဆိုက်ကားရပ်လိုက်တော့ သားကြီးကလည်း ဆရာမအိမ်သွားမလို့ ထွက်လာတာနဲ့
ဆုံနေတယ်...။
`` ရော့... သား ဆရာမအတွက် မွေးနေ့လက်ဆောင်....´´
ရုတ်တရက် သားကြီး ကြောင်ကြည့်နေတယ်....၊ ပြီးတော့ ပြုံးပြီးပါကင်ထုပ်ထားတဲ့ထီးကလေးကို လှမ်း
ယူတယ်။ ထီးကလေးကို ကြည့်ရင်းနဲ့ ကျွန်တော့်လည်ပင်းကို ဖက်ရင်းပါးကို ``ရွှတ်´´ ကနဲ နမ်းလိုက်တယ်။ သားကြီးရဲ့ ဒီအနမ်း
လေးက ကျွန်တော့်ကို မနက်ခင်းအိပ်ယာထတဲ့ခံစားမှုမျိုးကို ပေးလိုက်သလိုပါပဲ လန်းဆန်းသွားလို့လေ.။ ကျွန်တော်သားကြီးကို
ချိုင်းနှစ်ဘက်ကမပြီး ဆိုက်ကားပေါ် တင်လိုက်တယ်...။
`` လာသားကြီး... ဖေတို့ သွားကြမယ်....´´
တစ်လမ်းလုံး သားကြီး တပြုံးပြုံးနဲ့ ထီးကလေးကို ကြည့်လိုက်..။ကျွန်တော့်မျက်နှာကို ကြည့်လိုက်နဲ့ သူ
တော်တော် ကျေနပ်နေတာပဲ။ ခုဏက အရာရှိသားလေးထက်တောင် ပိုပျော်နေသေးတယ်... သူ့ထက်ပျော်နေတာကတော့ သား
ဖြစ်သူရဲ့ မျက်နှာကို အပြုံးတွေ ဝေစေခဲ့တဲ့ ကျွန်တော်ပဲ ဖြစ်မှာပေါ့.....။
ဆရာမအိမ်ကိုရောက်တော့ သားကြီးက `` ဘိုင်.. ဖေ၊ လာမကြိုနဲ့တော့နော်.. ဖေ အဆင်ပြေရင်လည်း
ညနေပိုင်းနားလိုက်ပါလား.... ပင်ပန်းနေရော့ပေါ့....´´ တဲ့။ ကျွန်တော်ပြုံးရင်း ခေါင်းညိမ့်ပြလိုက်တယ်...။
`` ဆရာမကပြောတယ် ဖေရဲ့... ခုဏက သားဖေဖေ ဆရာမကို မွေးနေ့လက်ဆောင် ပေးပြီးပြီတဲ့.. အခု
တစ်ခါ သားကလည်းပေးလို့ ကျေဇူးတင်တယ်တဲ့...သားထီးလေးက ဆရာမကို မိုးဒဏ် လေဒဏ်က ကာကွယ်ပေးတော့မှာတဲ့....
သားကုသိုလ်တွေ အများကြီးရသွားပြီတဲ့။ နောက်ပြီးတော့ ဖေဖေ့ကိုရော မေမေ့ကိုရော ချီးမွမ်းလိုက်သေးတယ်... သားဖေဖေက
လူကောင်းတစ်ယောက်တဲ့ မိသားစုအပေါ် တာဝန်ကျေတယ်တဲ့။ သားမေမေကလည်း အိမ်ထောင်ရှင်မပီသတယ်တဲ့.. ယောက်ျား
အပေါ်မှာ အလိုက်တသိစည်းကမ်းနဲ့နေတတ်တယ်တဲ့၊ အိမ်ဆိုင်လေး ဖွင့်ပြီး ခင်ပွန်းသည်ကို ကူညီဖြေရှင်းပေးတယ်တဲ့ ဒါကြောင့်
သားတို့ မိသားစုတွေက ပင်မြင့်မှာ မပွင့်ပေမဲ့ ဂုဏ်သိက္ခာရှိရှိ လှလှပပ မွှေးပျံ့တဲ့ ဂေါ်သဇင်ပန်းတွေပဲတဲ့.....´´
သားကြီးစကားကိုနားထောင်ရင်း ကျွန်တော်မိန်းမကိုလှမ်းကြည့်လိုက်တယ်... သူ ကျွန်တော့်ကို လှလှ
ပပ ပြုံးပြီး သားကြီးကိုဖက်ထားလိုက်တယ်... သားငယ်လေးက ကျွန်တော်တို့ကို ကြည့်နေရင်းက....
`` သားတို့က ပန်းတွေပေါ့နော်´´ တဲ့၊ ကျွန်တော် သားငယ်လေးကို လှမ်းဖက်လိုက်ရင်း `` ဒါပေါ့သားရဲ့
ဖေဖေတို့က ပန်းလှလှတွေပေါ့...´´ လို့ ပြောလိုက်တယ်။ သားငယ်လေး ကျေနပ်ပြုံးလေး ပြုံးလေးပြုံးပြီး `` ပန်းလှလှလေးတွေက
မွှေးတယ် ဖေဖေရဲ့...´´ တဲ့။ ကျွန်တော် သိနေပါတယ်.. သားငယ်လေးလည်း သူ့အကိုလို လိမ်မာမယ် ဆိုတာကိုပေါ့....။ ကျွန်တော်
ဒီနေ့ သားတွေအတွက် အေးမြတဲ့ လက်ဆောင်လေးကို ဖန်တီးပေးနိုင်ခဲ့တယ်လေ....။
အေးမြတဲ့ မေတ္တာရိပ်ကလေးများ ဖန်တီးနိုင်ကြပါစေဗျာ...။ (ကွန်ဆူးမား)(၆-၁၁-၂၀၁၂)
No comments:
Post a Comment