`` ညီမလေး တော်တော် ပိန်သွားပါလား၊ ဘယ်လိုဖြစ်တာလဲဟင် နေမကောင်းဘူးလား´´
ခရီးကပြန်ရောက်ရောက်ချင်း ညီမလေးကို တွေ့လိုက်ရတာအမောဆို့သွားသလိုပါပဲ၊ စိတ်လဲတော်တော်ပူ
သွားတယ်။
`` ဟုတ်တယ် ကိုကိုကြီး ညီမလေး သိပ်နေမကောင်းဘူး၊ ကိုကိုကြီးကို သတိရနေတာ... ´´
ညှိုးငယ်နေတဲ့ မျက်နှာလေးနဲ့ ပြောလာတဲ့ ညီမလေးကို နဖူးလေးစမ်း၊ အောက် မျက်ခမ်း
လေးကိုသွေးအားနည်းမနည်းကြည့်ပြီးတာနဲ့ ခရီးဆောင်အိတ်လေးချပြီး ရေတောင်မချိုးတော့ပဲနဲ့ချက်ချင်း
ဆေးခန်းကိုပို့လိုက်တယ်..။ ညီမလေးကတော့ သူရဲ့ ထုံးစံအတိုင်း ``ကိုကိုကြီးရေချိုးလေ၊ ထမင်းအရင်စား၊ ပြီးမှအေးအေးဆေးဆေး သွားကြမယ်၊ စိတ်မပူနဲ့နော်´´တဲ့၊
ကျွန်တော်တို့ မောင်နှမခြောက်ယောက်ထဲမှာ ကျွန်တော်က အကြီးဆုံး၊ ညီမလေးက
အငယ်ဆုံး၊ မေမေဆုံးသွားတော့ညီမလေးက ဆယ်နှစ်ကျော်ယုံလေး၊ နောက်(၅)နှစ်မှာ ဖေဖေထပ်ဆုံး
သွားတယ်။ ကျွန်တော်နဲ့ ညီနှစ်ယောက်ညီမတစ်ယောက်က ကျောင်းပြီးသွားပြီ၊ အငယ်ဆုံးညီမလေးက
ဆယ်တန်း၊ သူ့အထက်က ညီမတစ်ယောက်က တတိယနှစ်၊ အရာအားလုံး ကျွန်တော့်ခေါင်းပေါ်ရောက်
လာတယ်၊ ညီနှစ်ယောက်နဲ့ ညီမတစ်ယောက်က အိမ်ထောင်လည်းကျသွားပြီ၊ သူတို့မိသားစုနဲ့ သူတို့
အလုပ်လဲလုပ်နေကြပြီ၊ အခုအိမ်မှာက အငယ်ဆုံး ညီမလေးနှစ်ယောက်ရယ် ကျွန်တော်ရယ်ပဲကျန်ရစ် တယ်...။
နှစ်ယောက်စလုံးကျောင်းပြီးတော့မေမေ့အမွေဆိုင်ကလေးမှာပဲရောင်းပြီးနေကြတယ်၊
ကျွန်တော်ကအစိုးရ၀န်ထမ်းဖြစ်နေတော့အိမ်ပြန်ချိန်မမှန်ဘူး၊ညီမအကြီးလေးကဆိုင်ထိုင်ရင်းတစ်ဘက်
က ကျွန်တော့်ကိုကူပြီး စီးပွါးရှာပေးနေသလို အခု ညီမအငယ်ဆုံးလေးက အိမ်မှာ အိမ်အလုပ်အကုန်လုပ်
ရင်း မောင်နှမသုံးယောက် တူတူနေကြတယ်။
ညီမအငယ်ဆုံးလေးကို မေမေ့မေတ္တာနဲ့ရော ဖေဖေ့အကြင်နာတွေနဲ့ပါအစောကြီးဝေး
ကွာခဲ့ရတယ်၊ သနားစရာ ဒီညီမလေးကို ကျွန်တော်အကိုကြီးတစ်ယောက်၊အစ်မကြီးတစ်ယောက်၊မိဘနဲ့ အရင်းနှီးဆုံးသူငယ်ချင်းတွေလို ဆက်ဆံခဲ့တယ်။ ညီမလေးကိုအားအင်တွေစိတ်ဓါတ်ခွန်အားတွေဖြစ်စေ
ချင်လို့ပါ။ ညီမလေးကလည်း ကျွန်တော်ကို အကိုကြီးမကဖခင်တစ်ယောက်လို အားကိုးချစ်ခင်ခဲ့တယ်။ ထမင်းစားတာက အစ အ၀တ်အစားဝတ်တာကအဆုံး ကြင်နာခြင်းတွေနဲ့ပဲ ဆက်ဆံခဲ့တာပါ...။
`` ပရက်ရှာ တော်တော်ကျနေတယ်ဗျာ ခင်ဗျားတို့ ဆေးရုံပို့တာ အချိန်မီယုံလေးပဲ...၊
လောလောဆယ်သွေးသွင်းရမယ်၊ ပြီးမှအားဆေးသွင်းမယ်၊ကိုယ်ခံအားပြည့်လာမှသွေးနဲ့ဆီးနဲ့သလိပ်နဲ့
စစ်ပြီး အသေးစိတ် ရောဂါရှာဖွေကြတာပေါ့၊အဆင်ပြေတယ် မဟုတ်လား´´
`` ဟုတ်ကဲ့ပါဆရာ အဆင်ပြေပါတယ်...၊ ဆရာ အဆင်ပြေသလို ဆောင်ရွက်ပေးပါ´´
ဆရာဝန်ကသွေးပေါင်ချိန်တာတို့၊ သွေးခုန်နှုန်းတိုင်းတာတို့လုပ်ပြီးတော့ သွေးသွင်းဖို့
ပြင်ဆင်နေပြီ...
``ဆရာ...ဆရာ..´´အခန်းအပြင်ထွက်ဖို့ပြင်နေတဲ့ဆရာဝန်ကိုခပ်တိုးတိုးလေးခေါ်လိုက်
တော့ဆရာဝန်ကလှည့်ကြည့်လာတယ်။
`` အားကိုးပါတယ် ဆရာ..´´ ဆရာဝန်ကသက်ပြင်းချရင်း ကျွန်တော့်ပုခုံးကို ဆုပ်ကိုင်ပြီး
`` စိတ်ချပါဗျာကျွန်တော်တို့ ဂရုစိုက်ပါတယ်.... ဒါနဲ့ ဘာတော်လဲဗျ၊ သမီးလား´´
`` မဟုတ်ပါဘူး ဆရာ၊ညီမအငယ်ဆုံးလေးပါ၊ကျွန်တော့်အတွက်ကတော့သမီးလေးပါပဲ´´
`` အော် ဟုတ်ကဲ့ စိတ်ချပါဗျာ အားလုံးကြိုးစား ဂရုစိုက်ပေးနပါတယ်´´
`` ဟုတ်ကဲ့ ကျေးဇူးတင်ပါတယ်၊ ကျွန်တော်တအားကို စိတ်ပူနေလုိ့ပါဆရာရယ် အားလဲ
နာပါတယ်...´´
`` ရပါတယ်.. ဒီလိုပါပဲ၊ကျွန်တော်ခဏသွားလိုက်ဦးမယ်စိတ်မပူပါနဲ့သွေးသွင်းထားတယ်၊
ပရက်ရှာမှန်လာရင် ဆေးဆက်သွင်းပါ့မယ်၊ နှလုံးအားနည်းတဲ့ရောဂါပါ၊ ပုံမှန်တော့ မဟုတ်ဘူးဗျ၊ ဂရုစိုက်
ပေးဖို့တော့လိုတယ်၊ ဆရာဝန်ကြီးသေချာရှင်းပြလိမ့်မယ်နော်.၊ ဒီမှာ ဆရာမတစ်ယောက်စောင့်နေပါ့မယ် လိုတာရှိရင်ပြောပေါ့....´´
`` ဟုတ်ကဲ့ ကျေးဇူးပါပဲ ဆရာရယ်....´´
သွေးသွင်းထားရင်း ညီမလေးကုတင်ဘေးမှာ ထိုင်နေမိတယ်၊ ညီမလေးက အိပ်ပျော်နေ
ပေမဲ့ နဖူးမှာ ချွေးလေးတွေစို့နေတယ်၊ သဘက်ကလေးနဲ့ အသာအယာ တို့သုတ်ပေးပြီး ယပ်တောင်လေး
ဖြည်းဖြည်းလေးခပ်ပေးနေလိုက်တယ်၊သူနာပြု ဆရာမက `` ရပါတယ် ကျွန်မခပ်ပေးပါ့မယ်.´´လို့ပြောရင်း အနားကိုထလာခဲ့တယ်...
`` ရတယ်ဆရာမ ကျွန်တော်ခပ်ပေးပါ့မယ်၊ ဆရာမရှိနေပေးတာကို ကျေးဇူးတင်ဝမ်းသာ
လှပါပြီ...´´
`` အကိုက ညီမလေးကို အရမ်း ချစ်တယ်နော်....´´
`` ဟုတ်.... ညီမလေးက လိမ်မာတယ် ဆရာမရဲ့....´` သူနာပြုဆရာမလေးရဲ့ အပြောက
အားအင်တွေ ဖြစ်သွားတယ်၊ ဟုတ်တယ်လေ ညီမလေးကို ကျွန်တော် အရမ်းချစ်တယ်။
`` ကိုကိုကြီးခရီးထွက်ရမယ်ဆိုညီမလေးခရီးဆောင်အိတ်လေးပြင်ထားပေးတယ်၊ဘာလို
သေးလဲ ကြည့်ပါဦး´´အိမ်ရောက်တာနဲ့ ညီမလေးကဆီးပြောလိုက်တယ်၊ဆေးရုံဆင်းတာတစ်ရက်ပဲရှိသေး
တယ်၊ ခရီးထွက်စရာပေါ်လာတော့ညီမလေးက ခရီးဆောင်အိတ်လေး ပြင်ထားပေးတယ်တဲ့...၊သူအမြဲ ပြင်
ပေးနေကျလေ။
`` မနေ့ကမှ ဆေးရုံဆင်းတယ် နားပါလားညီမလေးရာ အရေးကြီးတာမှ မဟုတ်တာ...´´
`` အရေးကြီးတယ် ကိုကိုကြီးရဲ့၊ ကိုကိုကြီး လိုအပ်တာတွေကို ညီမလေးပဲသိတာ..၊ စိတ်
တိုင်းမကျလို့´´
ကျွန်တော်....... ညီမလေးရဲ့ မျက်နှာကို သေသေချာချာကြည့်နေမိတယ်၊ တကယ်တော့
ကျွန်တော်က မိဘ၊အကိုကြီး အနေနဲ့ ချစ်နေခဲ့ရတယ်ဆိုပေမဲ့ညီမလေးကမိခင်လို၊ အစ်မလိုကျွန်တော့်ကို ဂရုစိုက်ပြီး ချစ်နေခဲ့တာပဲ...
`` ကိုကိုကြီး....´´
`` ဗျ... ညီမလေး ပြောလေ...´´ အနားမှာဝင်ထိုင်ပြီးပုခုံးလေးကို သာသာယာယာလေး ဖက်ရင်း ပြောတော့ ညီမလေးက-
`` အိမ်မှာ ရှိရင် ကိုကိုကြီး လိုအပ်တာတွေကို ညီမလေးက လုပ်ပေးမယ်...၊ ခရီးသွားတဲ့
အခါ ညီမလေးရဲ့ကိုယ်စား ကျောပိုးအိတ်လေးက ကိုကိုကြီး လိုအပ်တာတွေကိုထုတ် ပေးလိမ့်မယ်နော်...။ ညီမလေးပြင်ပေးထားတဲ့ ကျောပိုးအိတ်လေးကို ပြောလိုက် ဘာလိုတယ်ကွလို့ သိလား သူပေးလိမ့်မယ်.´´
ကျွန်တော် ညီမလေးရဲ့ ခေါင်းလေးကို မြတ်မြတ်နိုးနိုး နမ်းရင်နဲ့ `` ဒါဆို....ညီမလေးက ကိုကိုကြီးရဲ့ ကျောပိုးအိတ်လေးပေါ့... နော်´´
သိုင်းဖက်ထားတဲ့ ကျွန်တော့်လက်ကို ပြန်ကိုင်ထားရင်းနဲ့ ညီမလေးက သဘောကျပြီး ပြုံး
နေခဲ့တယ်။
`` ဟုတ်.... ကိုကိုကြီးကျောပေါ်မှာ ညီမလေးက အမြဲလိုက်နေမှာ...´´ ကြည်နူးလိုက်တာ ချမ်းမြေ့လိုက်ရတာ ညီမလေးရယ်... ဒါပေမဲ့.....။
`` ကိုသန့်စင် ဖုန်းလိုင်းမိတဲ့နေရာကို လာပေးပါတဲ့၊ အရေးကြီး ပြောစရာ ရှိတယ်တဲ့...´´ လုပ်ဖော်ကိုင်ဘက်တစ်ယောက်ရဲ့ အသိပေးမှုကြောင့် ကျွန်တော် ဖုန်းလိုင်းမိနိုင်တဲ့ (၂)ဖာလုံလောက်မှာ
ရှိတဲ့ တောင်ကုန်းလေးကို ဘယ်လို အပြေး ရောက်လာမှန်းတောင် မသိလိုက်ဘူး....။ ဆိုင်ကယ်လေးကို
သော့တောင် မပိတ်မိပဲ တောင်ကုန်းပေါ်တက်ပြေးလာခဲ့တယ်။
တောင်ကုန်းပေါ်ရောက်တာနဲ့ မက်ဆေ့ခ်ျလေးတွေ ၀င်လာတယ်။ ဖွင့်ကြည့်လိုက်တော့ အိမ်က ညီမအကြီးနဲ့ရုံးက ဖုန်းခေါ်ထားတာတွေ တွေ့ရတယ်။ ချက်ချင်း ညီမအကြီးဆီက ဖုန်းဝင်တယ်...၊ ညီမလေးကို ညက ဆေးရုံ ပြန်တင်လိုက်ရတယ်... ကိုကိုကြီး ဖြစ်နိုင်ရင် အမြန်ပြန်လာပါတဲ့လေ...။
ဖုန်းချလိုက်တာနဲ့ နောက်တစ်ခါဖုန်းထပ်ဝင်လာတယ်၊ ရုံးကဖုန်း `` တာဝန်ချိန်းပြီးအမြန်
ပြန်လာခဲ့ပါတဲ့´´ကျေးဇူးတင်ပါတယ်၊ ညွှန်မှူးကို တကယ်ကျေးဇူးတင်ပါတယ်...။
ကျွန်တော် ညီမလေး ကုတင်ဘေးကို ရောက်တော့ ညီမလေးရဲ့ လက်နှစ်ဘက်မှာ သွေး
တွေရော၊ ဆေးတွေရော သွင်းထားပြီး နှာခေါင်းမှာလည်း အောက်စီဂျင်ပိုက်ကလေး တတ်ပေးထားတယ်၊ ဆရာဝန်ကြီးနဲ့ တာဝန်ကျဆရာဝန်လည်း ရောက်နေကြတယ်။ ကျွန်တော့်ကိုမြင်တော့ ခေါင်းညိတ် အသိ
အမှတ်ပြုရင်း ဆရာဝန်ကြီးက-
`` ကိုသန့်စင် ၄၀ / ၆၀ ဖြစ်သွားပြီဗျာ၊ကလေးကခံနိုင်ရည်အရမ်းအားနည်းနေတယ်´´တဲ့။
ညီမလေးကတော့ မှိန်းနေတာလား၊မေ့နေတာသေသေချာချာမသိနိုင်လောက်အောင်ကို ငြိမ်သက်နေလေရဲ့၊ ကျွန်တော်အသာအယာဝင်ထိုင်ရင်းဆေးသွင်းထားတဲ့သူ့ရဲ့လက်ဝါးလေးကိုကျွန်တော့် လက်ဝါးပေါ်တင်ပြီး နဖူးဆံစပ်ကဆံပင်လေးတွေကို ဖြည်းဖြည်းချင်း သပ်တင်ပေးနေမိတယ်....၊ ညီမလေး
မျက်လုံးလေး ဖြည်းဖြည်းချင်း ပွင့်လာတယ်...။
`` ညီမလေး.... ညီမလေး ကိုကိုကြီး ရောက်နေပြီနော်... အားမငယ်နဲ့နော်...၊ ညီမလေး
သိလားဟင်...´´လို့ တိုးတိုးညင်းညင်းပြောလိုက်တော့ ရှိစုမဲ့စုအားလေးနဲ့ ခေါင်းလေးညိတ်ပြရှာတယ်...၊ စကားတော့ မပြောနိုင်တော့ဘူး...။
အဲဒီလိုနဲ့ နောက် နာရီဝက်လောက်မှာတော့ညီမလေးကကျွန်တော့်လက်ဝါးကိုဆုပ်ကိုင်
ရင်းက စကားတစ်ခွန်းမှ မပြောပဲ ကျွန်တော့်ကို နှုတ်ဆက်ထွက်သွားခဲ့တယ်လေ....။
ညီမလေးရဲ့နှုတ်ဆက်ခြင်းတွေကိုကျွန်တော်မယုံကြည်နိုင်ခဲ့ပေမဲ့၊ ညီမလေးကိုကောင်း
ကောင်းမွန်မွန်နဲ့ပြည့်ပြည့်စုံစုံ သင်္ဂြိုဟ်ပေးခဲ့ပါတယ်။ ညီမလေးကို အမျှအတန်းပေးဝေရင်းနဲ.... မကျွတ် မလွတ်သေးသူ အားလုံးကို ရည်စူးပြီး`` ပေတဥဒ္ဒိဿဒါန´´ အလှူကိုလည်း လှူဒါန်းဖြစ်ခဲ့ပါတယ်...။
ညီမလေးနဲ့ပါတ်သက်ပြီးအရာအားလုံးကျေနပ်စရာတွေချည်းဖြစ်ခဲ့ပေမဲ့လည်းညီမလေး ကျွန်တော့်ကိုစွန့်ခွါသွားခဲ့တယ် ဆိုတာကို ကျွန်တော်အခုထိ မယုံ ကြည်နိုင်သေးပါဘူး...။
ကျွန်တော်အိမ်ပြန်ရောက်တိုင်းညီမလေးစောင့်နေတယ်လို့ပဲခံစားနေရတယ်၊ဆာလောင်
လာတဲ့အခါမှာလဲအိမ်ထဲက ညီမလေး ရှိနေတတ်တဲ့ နေရာလေးတွေကိုပဲ လှမ်းကြည့်နေတတ်တယ်..၊ခရီး
ထွက်မယ်ဆိုရင်လည်း ညီမလေးကိုပြောရမလို၊ ခရီးဆောင်ကျောပိုးအိတ်လေးကိုညီမလေးပဲပြင်ပေးထား
မလိုလို ဖြစ်နေသေးတယ်...၊ မနက်စောစောနိုးတဲ့အခါမှာလည်း ဘုရားရှိခိုးပြီး အာရုဏ် ဆွမ်းကပ်နေတဲ့ ညီမလေးအသံကို ကြားနေရသလိုလိုပါပဲ....။
ကျွန်တော်... ညီမလေး ဘီဒိုလေးကို ဖွင့်ပြီး ညီမလေးရဲ့ ယောဂီဝတ်စုံလေးကို ယူကြည့်မိ
တယ်...၊ ပြီးတော့ကျွန်တော် ယောဂီအင်္ကျိံလေးကို အကြာကြီးနမ်းရှိုက်လိုက်တယ်...။ ရင်ထဲမှာ ပြည့်သွား
သလိုလို ခံစားရပေမဲ့ ထူးထူးဆန်းဆန်း ကျွန်တော့် မျက်ဝန်းထဲမှာ မျက်ရည်တွေ ပြည့်လျှံလာတယ်ဗျာ...။ ညီမလေးကို လွမ်းလွန်းလုိ့ ကျွန်တော် ငိုများ ငိုနေမိသလားဆိုတာတော့ မသိတော့ပါဘူး။
အိမ်ရှေ့ကို လှမ်းကြည့်လိုက်တော့ ညီမလေးစိုက်ထားတဲ့ ပန်းလေးတွေ မြေကြီးပေါ်မှာကြွေ
ကျနေကြပြီ။ပန်းကြွေလေးတွေကိုေ၀၀ါးနေတဲ့ မျက်လုံးတွေနဲ့ သေသေချာချာကြည့်မိတော့ ပျော်ရွှင်နေတဲ့
အပြုံးလေးတွေနဲ့ ညီမလေးကပန်းကလေးတွေကို ကောက်ယူနေတယ်လေ.၊ တကယ်တော့ကျွန်တော့်နှလုံး
သားထဲမှာ ညီမလေးကသေဆုံး မသွားသေးပါဘူး... ဘယ်တော့မှလည်း သေဆုံးသွားမှာမဟုတ်ဘူးလေ...။
ညီမလေးကို ကျွန်တော်က မိဘတွေရဲ့မေတ္တာနဲ့ အကြင်နာတွေ ပေါင်းစပ်ပြီး ချစ်ခဲ့ရတာမို့
လို့ပါ။ ဒါပေမဲ့တကယ့်လက်တွေ့ဘ၀ထဲမှာတော့ညီမလေးဆုံးသွားတာတစ်လတောင်ပြည့်တော့မှာပါလား။
ကွယ်လွန်သူ ချစ်ရတဲ့ ညီမလေး....ကောင်းရာမွန်ရာမှာ ပျော်ရွှင်ချမ်းမြေ့နေပါစေ....။
(ကွန်ဆူးမား(၁၂-၁၁-၂၀၁၂)
No comments:
Post a Comment